પીએમ સૂર્ય ઘર મફત વીજળી યોજનાની A ટુ Z માહિતી, જલ્દી અહિંથી ફોર્મ ભરો | PM Surya Ghar Muft Bijli Yojana

પીએમ સૂર્ય ઘર મફત વીજળી યોજનાની A ટુ Z માહિતી, જલ્દી અહિંથી ફોર્મ ભરો | PM Surya Ghar Muft Bijli Yojana 

પ્રધાનમંત્રી સૂર્ય ઘર યોજનામાં 25 લાખ કનેક્શન થયા: માસિક 300 યુનિટ ફ્રી વીજળીની સાથે વર્ષે ₹15000ની કમાણી, જાણો આ યોજના વિશે વિગતો 

પ્રધાન મંત્રી સૂર્ય ઘર ફ્રી વીજળી યોજના મુજબ અત્યાર સુધીમાં 25 લાખ ઘરોમાં રૂફટોપ સોલર સિસ્ટમ લગાવવામાં આવી છે. આ સ્કીમ 13 ફેબ્રુઆરી 2024 ના રોજ શરૂ થઈ હતી. તે મુજબ 300-300 યુનિટ ફ્રી વીજળી મળે છે.

આ યોજના અંતર્ગત રૂફ ટોપ સોલર પેનલ લગાવનાર પરિવારોને વાર્ષિક ₹15000 ની આવક પણ થાય છે. 

આ યોજના મુજબ સોલર પ્લાન્ટ લગાવવામાં કેટલો કુલ ખર્ચ થશે?

આ યોજનામાં દરેક કુટુંબ માટે 2 કિલો વોટ સુધીના સોલર પ્લાન્ટના ખર્ચના 60 ટકા પૈસા સબસિડી તરીકે એકાઉન્ટમાં આવશે. જ્યારે જો કોઈ 3 કિલો વોટ નો પ્લાન્ટ લગાવવા માંગે છે, તો વધારાના 1 કિલો વોટ ના પ્લાન્ટ પર 40% સબસિડી મળશે.

3 કિલો વોટ નો પ્લાન્ટ લગાવવામાં આશરે ₹1.50 લાખ નો ખર્ચ આવશે. તેમાંથી ₹90,000 રૂપિયાની સબસિડી સરકાર આપશે. બાકીના રૂપિયા માટે સરકારે સસ્તી બેંક લોનની વ્યવસ્થા કરી છે. બેંકો રેપો રેટ કરતા ફક્ત 0.5 ટકા જ વધુ વ્યાજ વસૂલી શકશે. હાલમાં રેપો રેટ 5.25 %ટકા પર છે એટલે કે તમને 5.75 ટકા વ્યાજ પર લોન મળી શકે છે.

આ યોજના અંતર્ગત સોલર પ્લાન્ટ લગાવવા માટે શું કરવું પડશે?

આ સ્કીમ માટે સરકારે નેશનલ પોર્ટલ લોન્ચ કર્યું છે. તેને લગાવવા માટે પોર્ટલ પર જઈને અરજી કરી શકો છો. અહીં તમારે તમારુ નામ, તમારો ગ્રાહક નંબર, સરનામું અને કેટલી ક્ષમતાનો પ્લાન્ટ લગાવવો છે જેવી જાણકારી ભરવી પડશે.

ડિસ્કૉમ કંપનીઓ આ જાણકારીને વેરિફાય કરશે અને પ્રોસેસ આગળ વધારશે. પોર્ટલ પર ઘણા વિક્રેતાઓ પહેલાથી જ રજિસ્ટર્ડ છે જે સોલર પેનલ લગાવે છે. તમે તમારી અનુકૂળતા અંતર્ગત કોઈપણ વિક્રેતા સિલેક્ટ કરી શકો છો. પેનલ લાગ્યા પછી ડિસ્કૉમ નેટ મીટરિંગ ઇન્સ્ટોલ કરશે.

પ્રધાનમંત્રી સૂર્ય ઘર યોજના માટે જરૂરી ડોક્યુમેન્ટ્સ 

1. આધાર કાર્ડ
2. વીજળીનું બિલ
3. સરનામાનો પુરાવો
4. બેંક પાસબુક અથવા કેન્સલ ચેક
5. મોબાઇલ નંબર

સોલર પ્લાન્ટ લાગ્યા પછી સબસિડી સહાય કેવી રીતે મળશે?

સોલર પ્લાન્ટ જ્યારે લાગી જશે અને ડિસ્કૉમ નેટ મીટરિંગ ઇન્સ્ટોલ કરી દેશે, ત્યારે તેનો પુરાવો અને સર્ટિફિકેટ સાઇટ પર અપલોડ કરવામાં આવશે. આ પછી સરકાર ગ્રાહકના એકાઉન્ટમાં ડિરેકટ બેંક ટ્રાન્સફર મુજબ સબસિડીની સંપૂર્ણ રકમ ટ્રાન્સફર કરી દેશે.

શું આ સ્કીમમાં 300 યુનિટ વીજળી ફ્રી મળશે?

1 કિલો વૉટ નો સોલર પ્લાન્ટ દરરોજ લગભગ 4-5 યુનિટ વીજળી બનાવે છે. આવી સ્થિતિમાં, જો તમે 3 કિલો વૉટ નો પ્લાન્ટ લગાવો છો, તો દરરોજ લગભગ 15 યુનિટ વીજળી (Electricity) બનશે. એટલે કે, મહિનામાં 450 યુનિટ. તમે આ વીજળી (Electricity)નો ઉપયોગ કરી શકો છો. બાકી વધેલી વીજળી (Electricity) નેટ મીટરિંગ દ્વારા પાછી જશે અને તમને આ વીજળી (Electricity)ના પૈસા પણ મળશે. સરકારનું કહેવું છે કે તમે આ વીજળી (Electricity) થી વર્ષે લગભગ ₹15,000 કમાઈ શકો છો

શેર કરો :